hindi na to panaginip!!bday part 2!

2nd celebration of my bday..or 3rd na ata..puro nalang celebration.. yesterday 01/16/11..
ang aga aga, nagriring phone ko..pupungas pungas pa ko nung sinagot ko to, si joy pala, AKA panget.. sya yung super friend ko na para ng kapatid.. inaaya ako sa MOA, nagabsent daw sila ng bf nya para icelebrate bday ko..as if naman naniniwala ako?!, nagabsent lang talaga sya kasi tamad talaga yun mag work..''sige tingnan ko kung makakapunta ako sa MOA..inaantok pa kasi ako,galing ako work kanina,saka ala na din ako pera..pero txt ko kayo'' yan sinabi ko kay panget.. at parang ayaw nya naman maniwala sakin, at pinipilit nya parin ako.. pero dahil sa napansin nya siguro na inaantok pa talaga ako,pumayag na sya na itetex ko nalang sya..sabay natulog ako uli..


may tumatawag nanaman bandang 1pm..unknown no. di nakasave sa phone book ko.. nung sinagot ko, si KUYA pala.. kapatid ni PALAKA na x ko..na lagi nalang laman ng blog ko.. nanakakasawa na alam ko..(bakit ba?! di ako mkagetover eh..hahaha)

ako: hello sino to?
kuya: para kang tanga..kay j**** na no. to di mo alam?!
ako: sorry naman binura ko na yan eh..o bakit? napatawag kayo?
kuya: punta ka sa bahay ngayon.. celebrate natin bday mo..
ako: may pupuntahan ako eh..sa MOA puntahan ko si joy..
kuya: wag na, para naman di ka kapamilya dito ka nalang pumunta..
ako: sige try ko..text nalang ako..


at yun na nga natapos ang paguusap namin sa pamimilit na pumunta ako kila palaka.. actually di ko naman talaga alam kung san ako pupunta ng mga oras na yun..madami din kasi nagaaya, gaya ni yats na pupunta daw ng pandacan..ni joy na pupunta ng MOA, ng pinsan ko na pinapapunta ko sa Fairview at trinoma..haiiisssttt..ayoko din kasi pumunta kila palaka, dahil ayaw ko syang makita..as in AYAW ko!!kasi naman after break up.. di pa uli kami nagkikita, saka nahihiya ako, at MASAKIT dahil unang una..may iba na sya..gusto ko pag nagpunta ako kila palaka eh yung may bago na ko at maipagyayabang ko sakanya..


pero dala narin ng pagkasabik ko sa pamilya ni palaka..at syempre miss ko na din si palaka ayaw ko lang talagang iadmit..ayun pinili kong pumunta sa kanila..pero naglaba muna ako, at nagpa ikot ikot ng ilang beses..dahil di ko alam ang gagawin ko, natetense talaga ako..sinama ko din ang aking kaibigan na si mariz..

dumaan muna kami sa simbahan at dun ko na din pinuntahan ang pamilya ni palaka..namiss daw nila ako..saka nakita ko narin si palaka,na hinintay pa namin dahil nagpaprint sya ng resume..so ayun!! pagkakita ko.. muntik ng maghiwalay ang katawang lupa at katawang langit ko..kaba..takot..saya..lahat ata naramdaman ko na...mix emotion..

namili kami ng pizza, chicken, pansit, alak..saka umuwi sa bahay nila..pagkatapos kumain, ayun inuman na..di na namin pinagusapan ni palaka ang mga nagyari at pati pamilya nya, mas pinili nalang na wag ng buksan ang issue na yun.. pero nabalitaan ko na pumupunta na din sa bahay nila yung bago nya..pero keri lang..masakit pero di ko pinapahalata..


pinili ko din manahimik at wag ng buksan ang issue na yun.. umarte ako ng normal..at habang nagiinom napagusapan namin ang BLog ko na nominado,sabi ko kay palaka na iboto nya ako.. dun sya nagtanong kung paano, binigay ko ang link.. pero dahil na rin sa pagkacurious nya kung ano ang blog.. binuksan at binasa nya ang blog ko..na feeling ko naman hindi nya maintindihan..si palaka kasi ang tao na wlang hilig magbasa at mag aksaya ng panahon sa mga ganitong bagay dahil tamad sya..hahaha

pero napansin ko, habang binabasa nya yung blog ko.. na 24HOURS.. napapangiti sya..at dahil nga sa tamad sya sa mga ganito saglit nya lang tiningnan ang blog ko.. buti nalang!!kundi patay ako..patay talaga..pano baka sabihin nya chinismis ko na sya dito sa blog ko..aaminin ko, kahit papano gusto kong mabasa nya to as in lahat ng sinulat ko, kasi para sakanya to lahat.,pero kahit naman mabasa nya, may mababago ba? wala naman diba..at iyon na nga tumigil na syang magbasa, tinamad na, at sabi ala daw kwenta..(BALIW TALAGA YUN)..haaaayyyy...


medyo lasing na din ako ng mga oras na yun..napadami na kasi ako ng inom,, ang sarap kasi ng ginawa ni mariz sa the bar nilagyan nya ng condense at milo..so parang milo lang..nahihilo, at nasusuka ako..kaya nahiga na ko sa kwarto nila.. dun naman ako dati nakatira so feel at home na talaga ako..at ang kapal ng mukha ko..hehehe..naiwan sila sa labas ng kuya nya, si mariz at 2 pang kapitbahay..


pagkatapos ng ilang minuto ay sumunod na sya sa kwarto..at dahil sa isa lang ang kwarto nilang matino..dun din sya matutulog sa kwarto na kung saan eh nakahiga na ko kasama ang momy nya..sabi nya itabi ko nalng daw si mariz matulog sa isang kama at tatabi sya sa momy nya..sabi ko okey.. pero tumabi ako sakanya..makikipagkwentuhan sana..pero ang kwentuhan na yun ay nauwi sa isang sweet na pangyayari..oo sweet.. AT HINDI AKO NANANAGINIP O NANGANGARAP NG MGA ORAS NA YUN..

nagkatitigan kami.. at alam nyo na ang sumunod na nangyari..oo naglapat nag aming mga labi..na animoy sabik na sabik .. namiss talaga namin ang isatisat..ramdam ko yun, alam ko hindi epekto ng alak yun..dahil di naman kami lasing nakakaantok lang talaga ang ininom namin..at..kilala ko si palaka, kapag nakakainom sya, dun lumalabas ang totoong sya..sinubukan kong kurutin sarili ko..di talaga ako nananaginip sa mga oras na to.. gising ako.. at kasama ko si palaka..


kagaya ng panaginip ko nung bday ko..wala uling lumabas na salita sa min dalawa.. magkayakap kaming natulog..at hanggang pagising..alam ko may gf na si palaka pero anong magagawa ko??unang una, ako ang inagawan..diba tama lang na hiramin ko kahit saglit kung ano ang akin??at naging akin dati??gumising kami ni palaka.. pinagluto nya ko.. kumain.. at pagkalipas ng ilang oras eh kailangan ko ng umalis kasi may pasok pa kami ni mariz ..


aaminin ko sa mga oras na yun, katext nya yung GF nya..nasasaktan ako, pero mas minabuti kong wag nalang magsalita.. ok na ko ng ganun kami..atleast nakasama ko sya..sa mga oras na kasama ko sya, bumalik sya sa dati, sweet ng unti, may care, at nagbibiruan tulad nung kami pa dati, alam ko matatapos din ang mga sandaling yun..kaya sinulit ko na.. at gaya ni cinderella dumating na ang oras na kailangan ko ng umuwi at iwanan ang lugar na nagbigay ng sandaling kasiyahan sakin..

nagpaalam na ko sakanya, sa momy nya at kuya nya..sabi ko may pasok pa ko.. at iyon hinatid ako sa gate ni palaka..at bago ko lumabas ng gate..naglapat uli ang aming mga labi.naxs!.saka sinabi ko sa kanya..''i loveyou po''..di na ko naghintay ng sagot,dahil alam ko di nya rin kayang sagutin..umalis na ko ng may malaking katanungan..

PAKSHET?!ano naba?ano na kami? bakit ganun?may gf sya..bakit naramdaman ko na mahal nya pa ko, pero di nya masabi..magulo.. at hanggng ngayon nagiisip ako.. tinext ko sya kanina, pero wala akong makuhang matinong sagot mula sakanya, siguro ay mas gusto nya narin wag magsalita..pero ang hirap mangapa..san ako lulugar? kailangan ko nabang kalimutan ang ngyari kagabi at kanina?tama bang isipin ko nlang na namiss lang nya ko at hanggang dun lang yun?napakaraming tanong.. sabi ko sakanya nung tinawagan ko sya kanina..na hindi na uli ako manggugulo..kasi alam ko mali..at lulugar ako sa dapat lugaran..ang sabi nya lang magusap daw kami mamaya dahil di din daw nya alam..

ANO BA YAN!!!!!!
at hanggang ngayon sa mga oras na to.. hinihintay ko na itext nya ko..kaya lang WALA!..hayy..ano ba gagawin ko??maghihintay nalang ba ko 4ever?!o kalimutan nalng ang mga nangyari..naisip ko, mas okey pala kung panaginip nalang lahat atleast madali makagetover..ngayon umaasa nanaman ako..SHIT!
tanggap ko na..at kailangan ko tanggapin..yun ang mahal nya..at hindi ako..at hindi nya kayang iwan yun para sakin oo siguro mahal nya ko pero mas matimbang ang pagmamahal nya sa bago nya..aray!..buti nalang may mga tao lagi sa tabi ko na handang umalalay..
salamat..

wag naman sana akong maging ganito..(ang pangeeett)hahahaha

ngayon para kong  adik na naghihintay sa wala!!!!