disi-otso

fries lang po ang hinihingi ko, binigay Nyo may kasama pang burger at ice cream..

that's how i described my happiness now. may nawala man sa buhay ko, pero may binigay naman para maibsan ang kalungkutan na naramdaman ko.. di ko alam kung si soulmate ka na ba, o ang tinatawag nilang destiny (duh? di naman ako naniniwala sa ganun)..

una di naman kita gusto, basta ka nalang dumaan sa harap ko, medyo busy ako dito sa Dubai, kaya kinaya ko na mabuhay ng magisa, hanggang sa nakilala kita, nakapagkwentuhan, habang parami ng parami ang nalalaman ko sayo unti unti akong nahuhulog sa patibong ng puso mo, naramdaman ko nalang isang beses na putang ina.. nagmamahal na ko..

dumating ka sa pinakapanget na estado ng buhay ko, yung tipong nasa icu ang tatay ko, na namomroblema ako, at halos wala akong time para isipin ang "tayo" pero nanatili ka sa tabi ko, pinilit intindihin ang pinagdadaanan ko, pinagaan ang lahat ng pasanin ko, hanggang sa nilisan na kami ni papa, ikaw pa din ang ang tila payong ko sa gitna ng unos na tinahak ko. di mo ko iniwan, alam kong bago pa lang tayo, pero halos lahat ata ng problema ko kasama ka sa pag salo.. at oo nakikita ko yun, abot abot nga pasasalamat ko..

at ngayon marami pa tayong haharapin, pero naniniwala ako na andyan ka lang at pangako na andito lang din ako para sayo, di ko man masabi na ikaw ang soulmate ko, pero ikaw na nga siguro ang magpapaniwala sakin na totoo pala ang salitang "PAG-IBIG"..

--------


minsan akong tumalon sa jeep
sugatan at walang makapitan
pinilit ko umusad kahit luhaan
lumayo at pumunta sa kung saan
umaasa na hihilumin ang bawat sugat 
na hatid ng kapusukan

hanggang sa ikaw natagpuan
sa di malamang dahilan
puso kong  uhaw ay biglang nadiligan

ngayon ay sabay tayong humahapyaw 
sa kasiyahang dala na pag ibig ang tanging sigaw

na ang dating sugatan at luhaan
at piniling maglakad nalang
natagpuan na ang tunay na kaligayahan,
na ang dahilan ay walang iba kundi ikaw..



:)